Главная » Статьи » События |
Рождественские гонки
Морко районысо Арын селаште Рошто пайремлан пöлеклалтше таҥасымаш эртаралтын. Тушко шӱдö утла кумылан еҥ чумырген. Иерей Николай участник-влакым Рошто дене саламлен, тазалыкым, йöратымашым, ваш умылымашым тыланен, чылаштым благословитлен. Тыгак ял шотан илем вуйлатыше Е.Семёнова саламлен, сеҥымашым тыланен. Сеҥыше-влаклан черке пашаеҥ-влак лӱмынак ямдылыме Чап грамотым, шарнымашан пöлекым да шоколадым кучыктеныт. Чылаже 54 шергакан пöлек лийын. Шке ийготан-шамыч коклаште В.Ямщиков, С.Колесников, В.Николаев (Арын школ), А.Шуралева, В.Эльмеев, Е.Михайлова (6-шо номеран Морко школ), А.Козлова (2-шо номеран Морко школ), А.Эльмеева, А.Стрелков (МРМТ), Е.Иванова (Янситово) ойыртемалтыныт. 30-39 ияш-шамыч коклаште Морко посёлкысо «Роза» кевыт пашаеҥ Г.Шуралёва, 40-49 ийготан-влак коклаште Чодыраялын чолга марийже, спорт мастерыш кандидат О.Смирнов да Арын школышто англичан йылмым туныктышо Т.Кузнецова, 50-59 ияш коклаште Арын школынак туныктышыжо, спорт мастер В.Романов, 60 да тиддеч кугурак ийготан-влак коклаште В.Степанов шукыштлан пример семын лийыныт. Иерей Николай Арын школышто физкультурым туныктышо В.Романов ден Н.Никифоровлан ечыгорным шотыш кондымыштлан да таҥасымашым сайын эртараш полшымыштлан посна шергакан пöлекым кучыктен. Таҥасымашым эртараш Арын ял шотан илем вуйлатыше Е.Семёнова, Чавайн лӱмеш СПК вуйлатыше И.Яковлев, предприниматель М.Степанова, Морко райпо вуйлатыше А.Потапов полшеныт. А.ТИТОВ. Снимкыште: иерей Николай пöлекым кучыкта. А.Очетовын фотожо.
Источник: http://www.mariel.org.ru/sport/493-echyda-kushtylgo-kornyda-pialan-lijjzhe.html | |
Просмотров: 2629 | Комментарии: 1 | Рейтинг: 5.0/1 |
Всего комментариев: 1 | |
| |