Главная » Статьи » Немного истории ... |
Чодраял
Кызытсе Чодраял кундемышке Кугу Корамас гыч изак-шоляк Шийбылат ден Тойбылат пич чодыра гыч толын лектыныт. Нунын ялыштышт татар ханын енже-влак озаланеныт улмаш. Изак-шолякмытын ачаштым да аваштым йозакым тулен кертдымыштлан пуштыныт. А самырык-влак, ханын кидышкыже логалаш огыл манын, тушеч шылын куржыныт. Тудо жапыште кызытсе Чодраял олмышто пич чодыра гужлен шоген. Курык сер гыч памашшинча шыргыктен. Тиде памаш кызытат Чодраял калыкым шке вудшо дене куандара. Шийбылат ден Тойбылат курык серысе мландым кунчен, шкаланышт илыме верым ыштеныт. Шочмо ялышкышт миен, удырым конденыт, ешым чумыреныт. Ватыштын монгышт гыч пырчым конденыт, пушенгым куклен, мландым почыныт, киндым шке ончен-куштеныт. Илен-толын, икшывышт-влак шочыныт, мландымат ешареныт. Варарак чапле портым чоненыт. Нуным чодыраште илыше-влак маныныт. Шийбылат ден Тойбылатын икшывышт кушкын шуыныт, шканышт ешым чумыраш туналыныт. Тыге калык шукемын, сурт-печат ешаралтын. Изирак ял шочын. Тидым Чодраял манаш туналыныт. | |
Просмотров: 1372 | Комментарии: 4 | Рейтинг: 3.2/8 |
Всего комментариев: 4 | |
| |