« Кайыкше кая гын, мурыжо кодеш»
М.М. Александров 1956 ий 14 мартыште Морко районысо Арын селасе туныктышо ешеш шочын.Ачаже школышто химийым туныктен, а аваже - шочмо йылмым да литературым. 1963 ийыште Арын школын 1-ше классышкыже тунемаш кошташ тӱҥалын. Эше икымше классыште тунеммыж годымак Саша изыже тудым почеламутым возаш туныктен. Икымше почеламутшо "Пу совла” лийын. Возымо почеламутлажым районысо «Колхозная правда» да «Ямде лий» газетлаш колтен шоген. Школ илышыштат общественный пашам шуктен шоген, пионер-активист лийын, сандене тудым шымше классыште тунеммыж годым марий республика гычынделегат семын Ленинград олашке эрталалтше слётышто лийын. Тиде слётышко СССР-ысе 15 республика гычын погыненыт. Йолташыже-влакым поген школышто «Арын школлан шӱдӧ ий» вокальный группым чумыра. Тиде группышто Алексеева Лизавета, Кушакова Люба, Александров Михаил, Николаев Юрий, Александров Сергей да тулеч моло муреныт. Луымшо классым математика предмет деч молыжым чыла «5» тунем пытарен.Школ деч вара 1973 ий гыч 1978 ий марте Марий Государственный Университетын химий да биологий отделенийыштыже тунемын. 1978-1980 ийлаште Совет Армий радамыште служитлен. Январь 1980 ийыште Арын кыдалаш школышто пионер вожатыйлан пашам ыштен. 1984-1990 ийлаште Арын школышто военрук пашам шуктен. Тиде жапыште эн первый ансамбльым чумыра. Тышке кугурак классыште тунемше удыр-рвезе-влак коштыныт. Нуно утларакшым руш муро-влакым муреныт. Ансамбльлан инструментым поген шуктымеке, 1989 ийыште «У муро» йоча эстрада вокально-инструментальный ансамбльым чумыра. Тышке Колесников Алексей, Алексеев Александр, Соловьев Ралик, Павлов Владислав, Александрова Людмила. Васильева Людмила, Александров Дима, Иванов Владимир, Эчейкина Рита, Фёдорова Айна да молат коштыныт. Тиде ансамбльын лумжӧ Морко районышто веле огыл, республикын моло районыштат кумдан шарлен.Вет тыгай марий йоча ансамбыльже республикыште икымше лийын. Ансамбльын репертуаржылан шуко мурыжым Михаил Михайлович шке возен да марий поэтын почеламутыштланат сеемым келыштарен. Икманаш, Михаил Михайлович Александров чыла шотыштат талантан айдеме лийын: математикым да физикым сайын пален, астрономийым шымлен. Поэт да самодеятельный композитор лийын. Музыкальный образованийже лийын огыл гынат, марий эстраде | 
Форма входа
